20 urteko gizonezko batekin harremanak izan nahi zituela erabaki zuen 17 urteko emakumezko gasteiztar batek, asteazken goizaldean. Takonera parkera joan ziren. Baina, harremanekin jarraitu nahi ez zuenez, gelditzeko eskatu zion emakumezkoak gizonezkoari. Hark, baina, ez zion jaramonik egin, eta behartu egin zuen. Hala kontatu dio emakumezkoak Poliziari.
Emakumezkoak salaketa jarri zuen, eta protokoloa martxan jarri ostean gizonezkoa atxilotu zuen Espainiako Poliziak. Epailearen esku utzi dute gaur goizean, eta epaileak aske uztea erabaki du. Auzitegietako iturriek BERRIAri esan diotenez, fiskalak eta epaileak ez dute bortxaketa "zantzurik" topatu.
