Eusko Jaurlaritzako Segurtasun Sailak jakinarazi duenez, igandeko 05:30 aldera atxilotu zuten mutila, adingabe bati etxeko atarian sexu erasoa egin izana egotzita.
Jaurlaritzaren arabera, etxera iristear zen neska, eta, atea irekitzen ari zela, atzetik bultza egin zioten, atari barrura sartuz. Sexu erasoa egin zioten bertan. Haren oihuen ondorioz, ihesean joan zen erasotzailea, eta kolpe ugari eman zizkion neskari.
Neskak salaketa jarri zuen Ertzaintzan, eta ordu erdi ingurura topatu zuten ustezko erasotzailea. Epailearen aurrean deklaratu ondoren, hura espetxeratzeko agindu du epaileak.
