Arejita zein Laka, bizkaitarrak dira biak, eta, era berean, unibertsitateko irakasleak: Deustuko Unibertsitatean Arejita eta EHU Euskal Herriko Unibertsitatean Laka.
Arejita euskaltzain urgazlea da 1983az geroztik, eta Laka, ostera, Gramatika Batzordeko kidea.
Batak zein besteak hainbat ikerketa lan argitaratu dituzte.
Omenaldiak
Bere ordezkoa izateko hautagaiak proposatzeaz gain, omenaldia egin dio gaur Euskaltzaindiak Eguzkitzari. Eguzkitzari ez ezik, Larry Trask hizkuntzalari estatubatuar zenari —euskararen ikerlari handia zen— eta Pedro Yrizar idazle zenari ere egin diote gorazarre.
Euskaltzaindia
Adolfo Arejita eta Itziar Laka proposatu dituzte Andolin Eguzkitza euskaltzaina zenaren aulkia hartzeko
Osoko bilkura egin du gaur Bilbon Euskaltzaindiak, eta batzar horretan Andolin Eguzkitza euskaltzaina zenaren hutsunea betetzeko hautagaiak proposatu dituzte Euskaltzaindiko kideek. Bi dira aurkeztu dituzten hautagaiak: Adolfo Arejita eta Itziar Laka. Xabier Kintana, Jose Luis Lizundia eta Andres Urrutia euskaltzainek proposatu dute Arejita, eta Miren Azkaratek, Beñat Oihartzabalek, Pello Salaburuk eta Piarres Xarritonek, berriz, Laka. Ekaineko osoko bilkuran egingo dute euskaltzain berria aukeratzeko bozketa.
Iruzkinak
Ez dago iruzkinik
Ordenatu
