Ados, detektatu dugu. Eta orain zer?

Oinarrizko partikula berria topatu dutenek ez dute oporrik, oraingoz. Ezarritako egutegiaren arabera, azeleragailua udazkenabukaeran itxi behar zuten bi urtez, hobekuntza lanak egin eta oraindik ere energia handiagoko talkak lortu ahal izateko. Baina orain, CERNek erabaki du LHC urte amaiera artemartxan jarraitzea. Zer ikertuko dute? Kontua da Higgs bosoiak forma asko izan ditzakeela. Forma sinpleena teorikoki aurreikusten dena litzateke, fotoien, W eta Z partikulen arteko masa desberdintasuna esplikatuko lukeena. Baina formulazioaren arabera, agian espazioan aparteko dimentsioak aurreikusten dituztenentzat erabilgarri izan daiteke edo materia ilunaren misterioa argitzen lagundu.