Patxi Lopez lehendakariak gaur agintaldia amaituko duela esan du PSE-EEren batzordean, eta EAJ zeharka aipatuz, horrek jeltzaleei atsekabea sortzen badie ere, horrela izango dela gaineratu du. "Eurek baino hobeto gobernatzea posible dela erakusteagatik damutzea nahi dute", adierazi du.
PSE-EEk Eusko Jaurlaritzan egindako lana babestu du Lopezek, eta harro egoteko moduan direla, nahiz eta "oraindik egiteko asko dagoen". Agintaldia 2012an amaituko da, ekainean, baina maiatzeko eta azaroko hauteskundeen ondoren hauteskundeak aurreratzeko eskatu diote oposizioko alderdiek.
PSOEk bi hilabete barru egingo duen kongresuari dagokionez buru bat aukeratu behar dutela bai, baina zertarako aukeratu behar den erabaki behar dela nabarmendu du; "oposizio modeloa" zehaztu behar dutela zehaztu du.
