2016an sortu zuten Jose Antonio Agirre lehendakari ohiaren erraldoia, Eusko Jaurlaritzaren 80. urteurrena ospatzeko. Lehiaketan parte hartzen dutenek erraldoi horrentzat bikotekide, figura osagarri edo antagoniko bat proposatu beharko dute.
Bilbao Historiko erakundeak 50na euroko bost erosketa txartel zozkatuko ditu parte hartzaileen artean, Bilboko auzo historikoetako (Atxuri, Zazpikaleak, Erriberako Merkatua, San Frantzisko eta Bilbo Zaharra) saltokietan kontsumitzeko.
Lehiaketa ekainaren 28tik irailaren 4ra arte izango da, eta txartela Euskal Museoan edo Bilboko Aste Nagusiko Gida Pirataren webgunean bete ahal izango da.
