Nafarroako herri mugimenduaren ahotsa sarera emango duen komunikabidearen izena jakinarazi dute: ahotsa.info. “Atariaren helburu nagusia Nafarroan eraldaketa sozial eta politikoa bultzatzen duten mugimendu sozialen borroka dinamikei ohiartzuna ematea izango da”, azaldu dute proiektuaren sustatzaileek. Sarean bultzatu nahi dute aldaketa politiko eta sozial hori. Espainiako Auzitegi Nazionalak Ateak Ireki webgunea ixteko aginduaren ostean sortutako hutsunea bete nahi dute.
Hainbat herri komunikabidetako eta herri mugimenduetako jendearekin osatuko dute erredakzio lantaldea. Halaber, Nafarroa osoan kolabortzaile sarea osatuko dute, “herrialdeko txoko guztietatik informazioa jasotzeko”.
35.000 euroko aurrekontua izango dute urtero. Proiektuaren bideragarritasuna ziurtatze aldera, crowfunding kanpaina jarri dute martxan. 20.000 euro biltzea aurreikusi dute. www.goteo.org/ahotsa-behar-dugu helbidean egin daitezke ekarpenak.
Komunikazioa
'Ahotsa.info', Nafarroako herri mugimenduaren ahotsa zabaltzeko
Nafarroan eraldaketa sozial eta politikoa bultzatzeko xedez, herri mugimenduen bozgorailua izan nahi du hedabideak.
Iruzkinak
Ez dago iruzkinik
Ordenatu
