AHTaren Hernialde-Zizurkil zatiko obren ondorioz, Asteasu inguruan (Gipuzkoa) lehortutako errekastoetan eragindako kalteak “konpentsatzen” saiatuko da Eusko Jaurlaritza, Ingurumen eta Lurralde Politikako sailburu Ana Oregik azaldu duenez. Ez dago aurreko egoerara bueltatzerik, ordea. Jakinarazi duenez, Asteasu eta Zizurkil erreken ondoan zulatu zuten zubia iragazgaitz bihurtzeko obrak eta tratamentuak eginda ere, ezingo dute ziurtatu tunela iragazgaitz bihurtuko denik, ezta errekastoek ur emaria berreskuratuko dutenik ere. Ingurumen eta Lurralde Politikako Legebiltzarreko batzordean eman ditu azalpenak, Dani Maeztu EH Bilduko parlamentariaren eskariari erantzunez.
Oregik azaldu duenez, zonaldearen jarraipena egin beharko dute bi urtez, behin betiko eraginak ezagutu ahal izateko. Kostuak eta eraginak zeintzuk izango diren aztertzen ari direla jakinarazi du.
