Gaur hasi eta gaur bukatu da Donostian AHT abiadura handiko trenaren aurkako 11 ekintzaileren epaiketa, erabakiarekin bukatu ere: Fiskaltzak eta defentsak saioaren aurretik akordioa lortu, eta 11 lagunek isun ekonomikoak onartu dituzte. Bost-sei lagunek urtebetean egunero lau euro ordainduko dituzte, eta besteek, urtebetean egunero zortzi euro.
2008ko abuztuaren 3an Donostian egindako ekintza batengatik fiskalak bina urteko espetxe zigorra eskatzen zuen auzipetuentzat lehen. Ekintza hartan zirkulazioa hiru orduz eten zuten; zementuzko hainbat bidoirekin errepidea itxi zuten, eta kateatu egin ziren.
AHT Gelditu! Elkarlanak elkarretaratzea egin du gaur goizean, epaituei elkartasuna adierazteko. Plataformaren arabera, "gobernuak gizarte borrokekiko errepresioa gogortzen" ari dira.
[YouTube]http://youtu.be/o47Dsg2GwvE[/YouTube]
