Espainiako Sustapen Ministerioak 472.000 euroko prezioan eskaini du AHT abiadura handiko trenaren Gipuzkoako zatia Lapurdirekin lotzeaaztertzen duen txostena. Ministerioak jakinarazi duenez, Oiartzundik (Gipuzkoa) Lapurdirako bidea egiteko dituzten aukerak aztertuko dituzte txostenean, eta kontuan izan beharko dituzte ingurumen faktoreak eta ekonomikoak.
Horrez gain, Yolanda Barcina Nafarroako Gobernuko presidenteak esan du Espainiako Auzitegi Nazionala «justizia» egiten ari dela, hari tartak jaurti zizkiotenak epaitzen ari direlako bertan. Herenegun hasi zen Mugituko hiru pertsonen aurkako epaiketa. Julio Villanuevari, Gorka Ovejerori eta Ibon Garciari babesa azaldu die Ekologistak Martxan-ek. Hiru auzipetuen aurkako erreakzioa «gehiegizkoa» izan dela salatu du elkarteak. Adifeko presidente Antonio Gonzalezi eskura tarta bat ematen saiatu zen atzo Mugitu, baina galarazi egin zuen Espainiako Poliziak.
AHTaren Gipuzkoako zatia Lapurdirekin lotzeko azterketa eskaini dute
Iruzkinak
Ez dago iruzkinik
Ordenatu
