Aireportu espezializatuak nahi ditu Jaurlaritzak

DONOSTIA. Euskal Autonomia Erkidegoko hiru aireportuak —Foronda, Hondarribia eta Loiu— espezializatzeko asmoa du Eusko Jaurlaritzak, Ernesto Gasco Garraio sailburuordeak adierazi duenez. Horren arabera, Loiukoa aireportu nagusia litzateke, eta Hondarribikoak tamaina ertaineko hegaldiak hartuko lituzke, 1.500 kilometrora artekoak —Espainia hegoaldetik Europa erdialderaino—.