Heldu den asteazkenean bederatzi urte beteko dira Angel Berrueta hil zutenetik. Urtero bezala, martxoaren 13an, Angeli eta haren familiari omenaldia egingo diete auzoan. "Ekitaldi xumea baina maitasunez betea izanen da", adierazi dute plataformako kideek. 19:00etan Donibane auzoko Martin Azpilikueta kalean izango da.
Orain dela urtebete baino gehiago sortu zuten hainbat auzokidek Angel Gogoan plataforma, Berruetarentzat "egia" lortzeko. Urtebete horretan alderdi politikoekin, gizarte eragileekin eta baita sindikatuekin bildu dira. Lan handia egin dutela nabarmendu dute, baina oraindik garrantzitsua falta zaiela: "Ideologia edozein izanda ere, biktima guztiei egin behar zaie aitorpena".
