Jaurlaritzako Herrizaingo Sailak emandako datuen arabera, etxekoek astelehenean ikusi zuten azkeneko aldiz R.G.M. 33 urteko gizonezkoa. Atzo, kezkatuta, desagertzearen berri eman zuten, eta bilaketa lanak hasi zituzten Ertzaintzak eta salbamendu taldeek. Arantzazuko (Gipuzkoa) santutegiaren inguruan aurkitu zuten haren autoa, eta mendi inguruan, Urbia aldea, abiatu zituzten bilaketa lanak. Atzo ez zuten ezer aurkitu.
Gaur goizean, hamar eta erdiak inguruan, Ertzaintzaren helikoptero batek aurkitu du gaztearen gorpua, Aizkorriko gailurretik hurbil, malkar batean amilduta. Helikopteroaren laguntza behar izan dute hilotza jaso eta Oñatira jaisteko. Handik Donostiako Auzi Medikuntzako Institutura eraman dute.
Ezbeharra
Aizkorriko malkar batean erorita, hilda aurkitu dute etxetik falta zen Legazpiko gizonezkoa
Aizkorriko gainetik hurbil, malkar batean behera amilduta, hilotz aurkitu dute salbamendu taldeek astelehenetik etxetik falta zen Legazpiko (Gipuzkoa) bizilaguna. Helikoptero batekin jaso behar izan dute goropua.
Iruzkinak
Ez dago iruzkinik
Ordenatu
