Alberto Catalan: "Nafarroako Gobernuak aurrera daraman hizkuntz politikak herritarren babesa du"

Funtsean, EBLULek Nafarroako Gobernuari egiten dizkion kritikak gutxietsi egin ditu UPNko idazkari nagusiak. "Badirudi hori GKE ba dela; lan jakin bat egiten duen elkarte bat, eta ez dakiguna egokia den. Halaber, ez dakigu informazioa iturri egokietatik edo iturri manipulatuetatik hartzen duen. Azken batean, Nafarroako Gobernuak aurrera daraman hizkuntz politikak, beste arloetako politikak bezalaxe, herritarren babesa du. Beraz, ez dugu hain gaizki egingo hauestontzietan herritar horien gehienen botoa eta konfiantza jasotzen segitzen dugunean", adierazi du Catalanek.

Nafarroako Gobernuko bozeramaile eta UPNko idazkari nagusia Julio Medemen La pelota vasca, la piel contra la piedra (Euskal pilota, larrua harriaren kontra) filman parte hartu zuen politikarietako bat izan zen. Hain zuzen ere, film horri buruz duen iritzia galdetu diote, eta esan du, "borondate ona" izan zuela Medemek abiaburu, baina, azkenean, huts eginzuela. "Zuzendariaren borondate onetik abiatu zen film bat dela iruditzen zati; EAEn, Nafarroan eta Espainian terrorismoari ematen zaion tratamendua islatu nahi zuen dokumentala egitea zen abiaburua, baina, azkenean, ez zuen lortu. Ez zuen lortu erabateko emaitzik lekukotasunak falta zirelako, eta film hori ikusten duena konturatuko da beste lekukotasun batzuk behar zirela gauzak bere lekuan jartzeko", azpimarratu du.