Iñigo Albisu, Ana Lopez eta Zigor Ruiz herenegun Erresuma Batuko Justiziak Espainiaratu zituen hiru euskal herritarrak atzo espetxeratu zituzten. Espainiako Auzitegi Nazionaleko Santiago Pedraz eta Baltasar Garzon epaileek ETAko kide izatea egotzi diete eta espetxeratzeko agindua eman dute. Albisuk eta Ruizek Garzon epailearen aurrean hitz egin dute. Lopezek berriz, uko egin dio epailearen aurrean hitz egiteari.
Albisu donostiarra, Lopez bilbotarra eta Ruiz iruindarra apirilaren 27an atxilotu zituzten Sheffielden (Erresuma Batua). Hain zuzen ere, Garzonek egindako euro agindu eskaera baten ondorioz. Ordutik, Londresko kartzela batean egon dira preso, herenegun Espainiaratu zituzten arte. Defentsak estradizioaren kontrako bi helegite aurkeztu ditu hilabete horietan eta abenduaren erdialdean bigarrena aintzat ez hartzea erabaki zuen auzitegiak.
Albisu, Lopez eta Ruiz espetxeratu dituzte, Garzon eta Pedrazen aginduz
Iruzkinak
Ez dago iruzkinik
Ordenatu
