Mariano Raxoi PPko lehendakari eta Espainiako hurrengo gobernuburu izango denak Euskal Herriko hiru alderdikide izendatu ditu Espainiako Kongresu eta Senatuko goi karguetarako. Gasteizko alkate izandako Alfonso Alonsok gidatuko du Diputatuen Kongresuko PPren taldea, bozeramaile izendatu baitu Raxoik, eta bera izango da beste talde parlamentarioekin negoziatuko duena.
Espainiako Kongresuko Mahaiko idazkarietako bat izango da, berriz, Santiago Cervera Nafarroako PPko lehendakaria, eta kargu bera izango du, baina Senatuan, Ramon Rabanera Arabako ahaladun nagusi popular ohiak.
Alfonso Alonso PPren bozeramailea izango da Espainiako Kongresuan
Raxoik izendatu du kargurako; Cervera Kongresuko Mahaian izango da, eta Rabanera, Senatukoan
Iruzkinak
Ez dago iruzkinik
Ordenatu
