Turismoaren garai bete-betea den honetan, Miarritzeko hiriak atzo komunikatu baten bitartez jakinarazi zuen hondartzak hetsi egingo direla, hainbat pertsonak sintoma patologikoak garatu baitituzte. Sintoma horien jatorrian Ostreopsis ovata alga dago. Dirudienez, «erreakzio epidermikoak eta gripe moduko bat» izan daitezke alga horren ondorioak. Sintoma horiek dituztenei «mediku baten ikustera» joan daitezela kontseilu eman diete.
Eskualdeko Osasun Agentziak analisiak egin ditu, eta, goizean, bilkura bat egitekoa zuen hunkiak izan diren hiriekin, Euskal Hirigune Elkargoarekin eta Frantziako Estatuko zerbitzuekin batera.
