Seigarren hautesbarrutian, UMPko Michele Alliot-Marie eta PSko Sylviane Alaux izanen dira bigarren itzulian. Eskuineko hautagaia lehen postuan ageri bada ere, hurbil du ezkerrekoa, eta azken horrek ezkerreko indarren bozak eskura ditzake heldu den igandean.
EH Bairen emaitza azpimarratzekoa da, eta gakoa izan daiteke bigarren itzulira begira. Abertzaleek botoen %9,18 eskuratu dituzte. Fronte Nazionalak %6,33 lortu du: 3.495 boz. Beste hautagai guztiak %4 azpitik geratu dira.
Miarritzen, Alliot-Marie botoen %39,91rekin izan da boz gehien jaso duena. Alauxek %31,32 jaso du, eta horren ondotik Jalleau-Longueville da hirugarren, %7,01ekin. Contraires zentrokoa %6,79rekin laugarren izan da.
Ezpeletan UMPkoak jaso duen babesa %33,4koa izan da, eta sozialistarena, %29,19koa. Etxeberri-Aintzart EH Baiko hautagaia hirugarren izan da boz gehien jaso dutenen artean, botoen %19,88rekin. Ondotik, FNk jaso du boto gehien, %6,27rekin.
Donibane Lohizunen ere Alliot-Mariek botoen %41,17 jaso zituen, eta Alauxek, %30,66. Boz gehien jaso dutenen artean hirugarren EH Baiko hautagaia izan da, botoen %8,43rekin. Jalleau-Longuevillek %5,82 jaso ditu, eta horren ondotik Devarbieuxek jaso du boto gehien, %3,49rekin.
Hendaian Alauxek irabazi du, botoen %44,52 jasota. Alliot-Marie orain arteko diputatuak %20,74 besterik ez ditu jaso, eta horren ondotik Ezkerreko Fronteko Debarvieuxeri eman diote boz gehien, %8,58rekin. Etxeberri-Aintzartek boto-emaileen %8,56ren babesa izan du.
Uztaritzen ere Alaux izan da garaile, botoen %30,41ekin. Alliot-Mariek %29,25eko babesa jaso du, eta Etxeberri-Aintzartek %14,12koa. Jalleau-Longuevillek botoen %6,43 jaso ditu, eta Debarvieuxek, %4,62.
