Alokairuak sustatzeko asmoz, bitartekari hasiko da Jaurlaritza

GASTEIZ. Hutsik dauden etxeak alokairuan jartzeko plan bat iragarri du Eusko Jaurlaritzak: bitartekari egingo du etxejabeen eta alokairu bila dabiltzanen artean. Bi helburu ditu horrela: etxejabeei bermea emango die —kobratuko dituztela alokairuak eta arazoak badituzte defendatuko dituztela—, eta alokatu nahi dutenei prezio merkea jarriko die —400-650 euro hilean—.