Altsasuko eta Bilboko manifestazioak galarazi ditu Garzonek

Bihar Altsasun (Nafarroa) eta etzi Bilbon egitekoak ziren manifestazioak galarazi egin ditu Baltasar Garzon Espainiako Auzitegi Nazionaleko epaileak. Altsasuko manifestazioa herritar jakin batek deitu duen arren, Askatasunak antolatu duela iritzi dio Garzonek, eta mugimendu hori legez kanpo utzi zutenez, galarazi egin du. Bilbokoa, berriz, Segik antolatu duelakoan debekatu du, erakunde hori ere legez kanpokoa dela argudiatuta. Gazte mugimenduaren izenean egin zuten Bilboko elkarretaratzerako deialdia.