Auto ilara luzeak sortu dira Muskizen (Bizkaia) Espainiara bidean eta Biriatun (Lapurdi) Baionarako norabidean, Aste Santuko oporren lehen egunean. Hamahiruna kilometrorainoko luzera hartu dute ilarek bi gune horietan, Segurtasun Sailaren arabera. Bi puntu horietan ez da ilararik jada.
Horrez gain, A-1 eta AP-1 errepideak batzen diren puntuan ere izan dira buxadurak; Armiñonen (Araba) Espainiarako norabidean, kilometro batekoak dira, baina hiru kilometro izatera heldu dira.
