Amaiur koalizioak euskal presoen eskubideei buruzko eskari bat aurkeztuko du Espainiako Kongresuan, presoak Euskal Herriratzeko, eta zigorraren hiru laurdenak edo bi herenak beteta dituztenak, gaixotasun larriak dituztenak eta zigorra beteta eduki arren kondena luzatu dietenak askatzeko eskatzeko.
Amaiurreko ordezkariek oraindik ez dute jakinarazi eskaria formalki nola bideratuko duten. Kongresuko taldeekin gaiaz hizketan hasiko direla esan du Xabier Mikel Errekondok gaur, Madrilen emandako prentsaurrekoan.
Espainiako Gobernuari "ausardiaz" jokatzeko eskatu dio, "gatazka konpontzeko aurrerapausoak" emateko.
