Salgaia bi trenetan heldu da Baionako geltokira, eta aurreikuspenak urratuz, tren batek gau osoa pasatu du geltokian. Baiona, Angelu, Bokale (Lapurdi) eta Tarnozeko (Frantzia) herriko etxeek gogor gaitzetsi dute Jara enpresaren xedea.
Amonio nitratoa arriskutsuegia dela salatu dute hautetsiek, nabarmenduz Baiona inguruan metatzen direla Lapurdiko biztanle gehienak. Istripu bat gertatuko balitz ondorioak neurtezinak liratekeela diote hautetsiek. Jean Espilondo Angeluko auzapeza portuan izan da gaur goizean, xedearen aurka protesta egiteko.
