Iñaki Anasagasti EAJko senatariak bere blogean baieztatu du urriaren 21ean idatzitako artikulu baten harira eraman dutela auzitara; horretan zioen [Erorien haraneko] monumentuarekin egin zezaketen onena "guztia lehertzea" zela.
Erorien haranaren aldeko elkarteak jarri zuen kereila otsailaren 26an. Uste du "gorrotoa eta indarkeria bultzatu" egiten dituela Anasagastik. Elkarteak argudiatu du artikulua "gerrako esapidez beteta" zegoela, "bere lexikoan ohikoa den bezala".
Elkartearen arabera, Erorien harana "herri baten ondare historiko artistikoaren" parte da.
