Txistokin zortzi ikasgelako beste eraikin bat egiteko baliatuko dute Kilometroen bidez bildutako dirua. Urriaren 7rako egitrau betea prestatu dute. Ibilbideak 6,3 kilometro ditu, Andoaingo landa eta hirigunean banatuta. Guneak, aldiz, bost izango dira: Ikastola, Sorabilla, Etxeberrieta Goikoplaza eta Martin Ugalde. Antolatzaileek garraio publikoz bertaratzeko deia egin dute. Ezin dutenentzat, autobus eta autoentzako bost aparkaleku prestatu dituzte.
Aurtengo berritasunen artean, ibilbideko zati batean wi-fi konexioa jarriko dute. Hala, Guifinet proiektuaren bidez, festan dauden jendearen mezuak eta argazkiak jaso nahi dituzte. Ondoren, Euskaltelek jarriko duen pantaila erraldoi baten bidez, eta kilometroak.net nahiz berria.info atariaren bidez zabalduko dituzte.
