BERRIA.INFOren blog komunitateak bi blog berri ditu gaurtik. Andoni Urbistondo BERRIA egunkariko saskibaloiko kolaboratzaileak Zonakako defentsa izenekoa izango du. Papereko edizioan argitaratzen dituen analisietatik abiatuta, elkarrizketak, erreportajeak eta papereko edizioan ez dauden iruzkinak gehituko ditu blogean. Espainiako Kopako Lagun Aro-Caja Laboral final-laurdenetako gaurko partida izan da abiapuntua.
Gaur sortu den beste bloga Aritz Galarragarena da: Ekografiak. Papereko edizioan Agenda sailean idazten du Galarragak, eta blogean, hor argitaratutakoak jasotzeaz gain, ikus-entzunezkoak ere gehituko ditu, "paperak berezkoak dituen mugak gainditu eta sareak eskaintzen dituen aukerak erabiltzeko". Irakurleen iritziak ere eskatu ditu Galarragak blogaren aurkezpenean.
