Andre bat erietxera eraman dute, sute bateko kea arnasteagatik

BILBO. 89 urteko emakume bat Bilboko Basurtuko Ospitalera eraman dute, kea arnasteagatik. Eusko Jaurlaritzako Herrizaingo Sailak eman du gertaeraren berri. Santutxuko lokal batean sua piztu zen atzo goizaldean, eta etxe ugari hustu zituzten suhiltzaileek. Sua itzali ondoren, etxera itzuli ziren bizilagun gehienak; andrea, berriz, erietxera eraman zuten, toxikatuta.