Andre bat hil da Donostian, auto batek harrapatuta

DONOSTIA. Udaltzaingoak jakinarazi duenez, 89 urteko emakume bat zendu da Donostian, auto batek harrapatuta. Altzan izan zen ezbeharra, larunbatean. Autoa atzeraka egiten ari zen, eta, udaltzainen arabera, andrea oinezkoen igarobidetik pasatzen ari zela harrapatu zuen. Erietxera eraman zuten, baina igandean hil egin zen.