75 urteko emakume bat hil da Iruñean, auto batek jota. Andrea oinez zihoan Yanguas Miranda kalean, eta auto batek, aparkaleku batetik ateratzen ari zela, emakumea harrapatu du.
08:40 inguruan gertatu da ezbeharra. Foruzaingoa eta hainbat anbulantzia joan dira ezbeharra gertatu den lekura emakumea artatzera, eta zaurituta eraman dute erietxera. Hiru ordu geroago hil da erietxean, eragindako zaurien ondorioz.
