Andre bati sexu erasoa egin izana egotzi diote gizon bati

GASTEIZ. Ertzaintzak 27 urteko gizon bat atxilotu zuen atzo goizaldean Gasteizen, kalean emakume bati sexu erasoa egin izana leporatuta. Wellington Dukearen kalean izan zen jazoera. Ertzaintzaren arabera, erasotzaileak bizkarretik helduta egin zion eraso, baina biktima oihuka hasi zen, eta alde egin zuen. Ertzainek handik gertu atxilotu zuten.