Andre bati tratu txarrak ematea egotzita, gizon bat atxilotu dute

BILBO. Ertzaintzak 40 urteko gizonezko bat atxilotu zuen herenegun Bilbon, harekin bizi zen andre bati tratu txarrak ematea egotzita. Basurtu auzoko etxebizitza batean izan zen atxiloketa. Bizilagun batek eman zien abisua ertzainei. Emakumea urduri aurkitu zuten; gainera, kolpeak eta zauriak zituen. Ertzaintzaren arabera, atxilotzerakoan gizona jazarri egin zitzaien.