ANESTESIA TEKNIKA BERRIA

Donostiako Pilar Klinikan 30 mediku anestesista inguru elkartu dira egunotan, klinika horrek anestesia jartzeko erabiltzen duen teknika berri bat ezagutzeko. Ekografiak egiten dizkiete gaixoei, eta, modu horretara, anestesia lokalak jartzeko zehaztasun gehiago ematen die ekografien bidezko teknika horrek. Prentsa ohar batean adierazi dutenez, gaur egun, ahal dela, gorputz osoa lokartzea baztertzen dute medikuek, eta anestesia lokala hobesten dute.