Angeluko 57 urteko gizon bat hil dute Senegalen

DAKAR. Gerard Gallais, Angeluko (Lapurdi) 57 urteko gizona, hil dute Senegalen, Dakarretik hurbil. Poliziaren arabera, Gallaisen itsasontzira hiru gizonezko sartu ziren, bertan zegoen Senegalgo neska bat bortxatu eta Gallais hil zuten, kuxinekin itota. Antza, lapurretara sartu ziren ontzira. Abuztuaren 27an jazo zen hilketa, eta gorpua aste honetan espero dute etxeratzea.