ANTIMILITARISTEN OSPAKIZUNA

Hego Euskal Herrian derrigorrezko soldadutza amaitu zela hamar urte bete direla eta, mugimendu antimilitaristak kalera atera ziren atzo, urtemuga ospatzeko. Kakitzat koordinakundeak elkarretaratzea egin zuen Bilboko gobernu militarraren aurrean, eta sagardoarekin eta txokolatezko tarta batekin ospatu zuen soldadutzaren amaiera. Espainia NATOn sartzeko erreferendumean Euskal Herriak ezetz esan zueneko 25. urteurrena ere ospatu zuten.