Erresuma Batuko epaitegi batek Antton Troitiño euskal preso ohia (Donostia, 55 urte) Espainiaratzea erabaki du, gaur jakinarazi duenez. Joan den urteko ekainean atxilotu zuten, Londresen. Aurtengo urtarrilaren 14an hasi zuten epaiketa, Espainiak egindako estradizio eskaera onartu edo ez erabakitzeko.
Troitiño 2011ko apirilean aske atera zen Espainiako kartzela batetik, 24 urteko zigorra beteta. Handik bost egunera, ordea, Espainiako Auzitegi Nazionalak Parot doktrina gisara ezagutzen den 197/2006 doktrina aplikatu, eta berriro espetxeratu nahi izan zuen, beste sei urterako. Ez zuten topatu.
