Xabi Lasa (NaBai) Berriozarko (Nafarroa) alkatearen erabakiz ANVko zinegotziak botako du festetako txupina. Erabaki horren aurka agertu dira Udaleko UPN, PSN eta CDNko zinegotziak eta mozioa aurkeztuko dutela iragarri dute. Mozio horrekin, Xabi Lasa Nafarroa Baiko alkateari iritziz aldatzeko eskatu eta ANVko zinegotziak txupina botatzea eragotzi nahi dute, baita Udalak Mallorca (Herrialde Katalanak) eta Burgosko (Espainia) ETAren atentatuak gaitzeztea ere.
Berriozarko UPNko prentsa arduradunak, Sergio Sayak, adierazi duenez, ANVk txupina jaurtitzea "herriatarren gehiengoak baztertzen du" alderdi hori "ETA-ren beso politikoa" dela argudiatuta.
Mozioa aurkezteko osoko bilkura hamabost egunen baitan egingo da.
Politika
ANVko zinegotzi batek jaietako txupina ez botatzeko mozioa aurkeztuko dute Berriozarren
Iruzkinak
Ez dago iruzkinik
Ordenatu
