Apirilaren 26an 70 urte beteko dira Espainiako Gerran Gernika-Lumo (Bizkaia) bonbardatu zutenetik eta, urteurren horretan, "bakearen aldeko nazioarteko hiria" izango da, Miguel Angel Aranaz alkateak gaur iragarri duenez.
Hainbat ekimen egingo dituzte hilaren 26an bertan. Besteak beste, Gernikako adierazpena irakurriko dute Hiroshimako (Japonia) alkateak, Adolfo Perez Esquivel Bakearen nobel saridunak edota Mario Molina Kimikaren nobel saridunak. "Bakearen aldeko eta era denetako gerren eta giza eskubideen urraketen kontrako adierazpena" izango da, Aranazen esanetan. Egun berean, idatzi bera Buenos Aires, Mexiko Hiria, New York edota Madrilen leituko dute.
Hilaren 17an hasiko dira ospakizunekin. Beraietan, Bernardo Atxagak Lekuak. Gernika 1937 liburua aurkeztuko du, kontzertuak egongo dira, hitzaldiak, Gernikako nazioarteko kultur eta bake jardunaldiak egingo dituzte...
Urteurreneko ospakizunek 500.000 euroko aurrekontua dutela esan du alkateak.
Apirilaren 26an Gernika-Lumo "bakearen aldeko nazioarteko hiria" izango da
70 urte beteko dira orduan Espainiako Gerran bonbardatu zutenetik.
Iruzkinak
Ez dago iruzkinik
Ordenatu
