Araba, Bizkai eta Gipuzkoako herritarren % 21,1 urritasunean bizi dira eta %3,2 pobrezian

Araba, Bizkai eta Gipuzkoako herritarren %3,2 egiazko pobrezian bizi dira, Jaurlaritzako Justizia, Enplegu eta Gizarte Segurantza sailak egin berri duen azterketaren arabera. Baina estu dabilen biztanle kopurua askoz ere zabalagoa da, asko baitira pobrezia indizeetan sartu ez arren ongizatetik urrun daudenak: zehazki, %21,1 (454.089 pertsona) urritasun egoeran bizi direla agertu du Joseba Azkarraga sailburuak.

Nolanahi ere, pobrezian zein urritasunean bizi direnen kopurua 1986an datuak biltzen hasi zirenetik jaitsi egin direla nabarmendu du Azkarragak; baita 2004an azken txostena egin zutenetik ere. Hala, 1986an %8,3 ziren pobrezian bizi zirenak eta 2004an %3,5. Urritasunean bizi direnak %8 gutxitu dira, berriz, 2004tik.

Eskualdetik eskualdera ere alde handiagoa da. Bilbo (%6,1)eta Ezkerraldea (%4,1) dira pobrezia tasa altuenekoak. Eskuinaldea, Durangaldea, Tolosaldea eta Goierri, eta Deba Garaia, berriz, txikienekaok (%1,etik behera).