Jaurlaritzaren Euskal Soziometroa inkestaren azken atalean jasotzen denez, Arabako, Bizkaiko eta Gipuzkoako herritarren %70ren iduriko autodeterminazioari buruzko galdeketarako eskubidea du euskal gizarteak; gainera, %66ek hurrengo urteetan egitea nahi luke —galdeketa egiteko indarkeriarik gabeko egoera beharko litzatekeela uste dute %41ek, eta hori ez du ezinbesteko baldintzatzat ikusten %25ek—.
Gatazkari dagokionez, elkarrizketatuen %83k uste dute elkarrizketaren bidez konpondu beharreko arazo politikoa bizi duela euskal gizarteak, eta %79 alderdien arteko elkarrizketaren alde agertu dira. %17k, aldiz, uste dute indarkeria behin betiko desagertu arte ezin zaiola ekin elkarrizketari. Nolanahi ere, ETAk su-etena hautsi aurretik egin zuen inkesta Jaurlaritzak.
Araba, Bizkai eta Gipuzkoako herritarren %70 autodeterminazio galdeketa egitearen aldekoak dira
Hala jaso du Jaurlaritzak egindako Euskal Soziometroa inkestak. Era berean, %83k uste dute elkarrizketaren bidez konpondu beharreko arazo politikoa bizi duela euskal gizarteak. ETA su-etena hautsi aurretik egin zuten inkesta.
Iruzkinak
Ez dago iruzkinik
Ordenatu
