Koalizioaren ustez, PP Espainiako Segurtasun Nuklearraren Kontseilua (CSN) "erabiltzen" ari da Garoñako zentral nuklearra berriro irekitzeko "antzezlanean". Segurtasunaren aurrean etekin ekonomikoak bilatzea egotzi dio EH Bilduk PPri.
Ohar bat plazaratu du koalizioak CSNk argitaratutako txostenaren harira. EH Bilduk Araba "suntsitu" nahi izatea leporatu dio PPri, "berriro ireki nahi duelako erabat zaharkituta dagoen eta, batez ere, segurtasun baldintzak betetzen ez dituen zentral nuklear bat". Zentrala behin betiko ixteko berme bakarra hura eraistea dela uste du, eta eraispen lan horiek "lehenbailehen" hasi behar direla gaineratu du.
