Arabako EB-IUk euskal presoak Euskal Herrira gerturatzeko eskatu du

Etxerat elkartearen eskaera bere egin eta Arabako EB-IU alderdiak «Arabako presoak senideen errotze tokira gerturatzeko» aldarrikatu du. Halaber, bakartze politikarekin amaitzeko eta kartzeletako bizi baldintzak hobetzeko eskatzen du. «Espetxeek ezin dute izan askatasunik ez duten pertsonekin ankerkeria politikoa gauzatzeko tokiak». Bestalde, Etxerat-i giza eskubide «guztien» alde lan egiteko deia luzatzen diote.