Jaitsi egin da norbanakoen batez besteko errenta 2011tik 2013ra; izan ere, Araba, Bizkai eta Gipuzkoako herritarrei %2,2 murriztu zaie batez besteko urteko errenta. 2013an 19.286 euroko errenta izan zen batez bestekoa hiru herrialdeetan. Hala dio Eustaten azken inkestak.
Inkesta horren arabera, gipuzkoarrena da errentarik handiena; 19.734 eurokoa izan baitzen 2013an. Haren atzetik daude arabarrak (19.359 euro) eta bizkaitarrak (18.994 euro). Eta, hain justu, Bizkaiko errentak murriztu dira gutxien 2011z geroztik (%1).
Hiriburuei dagokienez, Donostiako errenta izan zen altuena; donostiarren errentaren batez bestekoa 22.260 eurokoa izan da. Hurrenez hurren daude Bilbokoa eta Gasteizkoa.
Araba, Bizkai eta Gipuzkoako 18 urtez gorako herritarren %86,5ek jasotzen dute errentaren bat; horien %59,7 bataz bestekoaren azpikoak izan dira.
Emakumezkoen errenta, txikiagoa
Herritarren errentaren %61,4 lanaren ondorioz eskuraturikoa da. Gainerakoa, trasnferentzia bidez edota laguntza sozialen bitartez jasotakoa da.
Gizonezkoen eta emakumezkoen errentak alderatuta, azken hauen errenten zenbatekoa askoz ere txikiagoa da; gizonezkoen errentaren bataz bestekoa 24.414 eurokoa baita, eta emakumezkoena 14.526 eurokoa. Batik bat, 60 urtetik gorako emazte eta gizonen arteko aldea da handiena.
