Parisen daude dagoeneko Jose Antonio Aranibar, Ekaitz Agirre eta Aingeru Cardaño, astelehenean Donibane Garazin (Nafarroa Beherea) ustez etakideak izateagatik atxilotu zituzten euskal herritarrak. Ordutik Baionako polizia etxean eduki dituzte, eta gaur Miarritzeko (Lapurdi) aireportutik hegazkinez eraman dituzte Parisera, epailearen aurrera eramateko.
Frantziako Poliziak esan duenez, atxiloketa garaian hirurak lehergaiz betetako furgoneta batean zihoazen.
Paristik gertu beste bi euskal herritar atzeman zituen Frantziako Poliziak asteartean. Haietako bat Iker Beristain Gutierrez dela esan zuen atzo Alfredo Perez Rubalcaba Espainiako Gobernuaren Barne ministroak. Bestearen izena oraindik ez dute jakinarazi.
Atxiloketak
Aranibar, Agirre eta Cardaño Parisera eraman dituzte
Parisen atxilotutako beste kidearen izena oraindik ez dute jakinarazi.
Iruzkinak
Ez dago iruzkinik
Ordenatu
