Donostiako Auzitegiak Ardi Beltza aldizkariko bi kazetariri hamabosna hilabeteko kartzela zigorra jarri die, 2000. urtean argitaratutako artikulu batean Ertzaintzako kargu bat "prostituzioarekin eta drogaren trafikoarekin lotzeagatik". Ertzainaren kontrako "kalumnia" dela erabaki du auzitegiak. Epaiaren arabera, bi kazetariek, kartzela zigorra jasotzeaz gain, zigorrak irauten duen bitartean kazetaritzan ezingo dute lanik egin eta ertzainari 12.000 euro ordaindu beharko dizkiote. Epaia ez da behin betikoa eta defentsak helegitea sartu du.
Epaiketa berean prozesatua dago Pepe Rei aldizkariko zuzendaria, baina ez diote oraindik epaiketarik egin, Reiren arazo fisikoak direla-eta.
Sententziak dioenez, Ardi Beltza-ren "benetako datu bakarra", aipatutako ertzainak argitalpena baino hamar urte lehenago droga trafikoagatik zigortuak izan ziren eta "prostituzioko klubetan parte-hartzea" duten pertsonekin harremana eduki izana da. Ertzainak esan du bere "lanagatik" ezagutzen zituela haiek.
Espainiako Auzitegi Nazionalak, Baltasar Garzon epailearen aginduz, Ardi Beltza itxi egin zuen, 2001eko apirilean, "ETAren helburuak iraunkorki markatzeagatik".
Komunikabideak
'Ardi Beltza' aldizkariko bi kazetari zigortuak "ertzain bat kalumniatzeagatik"
Iruzkinak
Ez dago iruzkinik
Ordenatu
