Ardiak eta ahuntzak erabiltzea proposatu du UAGNk, suteen prebentzioa egiteko

Baso eta larreetan, gaur egun, ardi eta ahuntz gutxiago ibiltzen direnez zakarrak eta sasiak ugaritu egiten direla ohartarazi du UAGN abeltzainen sindikatuak, eta azaldu du horrek suteak sortzeko arriskua biziagotzen duela. Mendi, larre eta baso lur horiek garbi edukitzeak gehiegizko kostua duela ikusita, ardi eta ahuntzak erabiltzea proposatu du, prebentzio modura. Ziurtatu du Frantzian horrela lan egiten dutela, eta iragarri du proposamen formala egingo duela heldu den abuztuaren 27an Nafarroako Gobernuarekin egingo duen bileran.