Aresen dimisioa eskatu du Eleak mugimenduak

Eleak mugimenduak Rodolfo Ares Eusko Jaurlaritzako Herrizaingo sailburuaren dimisioa eskatu du. Taldearen iritzian,Ertzaintzaren jardunaren «erantzule nagusia» Ares da. Bide batez, herritarrak mobilizaziora eta antolatzera deitu ditu, «horrelako erasoei aurre egiteko». Ohar batean, elkartasuna helarazi die hildakoaren senitartekoei, baita martxoaren 29an Gasteizen zauritu zuten Xuban Nafarreteri ere. Poliziaren gehiegikeriak gaitzetsi egin ditu Eleak mugimenduak: «Mehatxuak, kolpeak, gazteei egiten dizkieten jarraipenak, atxiloketak; segurtasunaren izenean, sistema demokratiko batean oinarrizkoak behar luketen eskubideak etengabe zapaltzen dituzte».