ARESEN DIMISIOA ESKATU DUTE, BERRIZ

Irailaren 21etik 23ra Bilboko Errekalde auzoko Kukutza III gaztetxea hustu eta eraisteagatik protestan ari zirenen aurka Ertzaintzak erabilitako indarkeria gaitzetsi zuten atzo. Hain zuzen, Eusko Jaurlaritzaren Bilboko egoitzaren aurrean egindako elkarretaratzean, egunotan zauritutakoen argazkiak erakutsi zituzten. Rodolfo Ares Herrizaingo sailburua jo zuten «baketsu agertutakoen kontrako errepresioaren» erantzule, eta, beraz, haren dimisioa eskatu zuten berriro.