ARKAITZ OTAZUAREN HERIOTZA. Gertakarien «argipen osoa» helburu

ETAk ohi ez bezalako txostena krokis eta guzti eta agiria bidali ditu, Otazuaren heriotzari buruz dituen datuak emateko. «Ekintzaren ondorengo gertakarien argipen osoa ematea» Eusko Jaurlaritzari dagokiola adierazi du, «baina gertatutakoa guztiz argitzeko asmoa» berretsi du ETAk txostenean, «eta bere eskutara gertakari hauek argitzeko baliagarri diren datu berriak iritsiko balira jendarteari jakinarazteko konpromisoa ere berresten dugu». Eta agirian, «herritarrei» dei egin die ETAk, «ikusi edo jakin zutenaren berri eman diezaioten, diskrezio osoz bada ere, auzi honetan fidagarria izango den edozein pertsona, elkarte edota instituziori».