Greenpeaceko hiru ontzi Bilboko portura sartu dira, Guardia Zibilaren patruila bati izkin eginda. Elkarteko lau boluntariok uretara egin dute jauzi, eta Saudi Arabiako Bahri Tabuk itsasontziaren inguruan kokatu dira, pankartak eskuetan. "Zibilak hiltzeko Espainia markako armak", dio pankarta horietako batek. Beste boluntario batzuek ontziaren amarraduretatik zintzilikatzea lortu dute. "Zibilak hiltzeko arma gehiagorik ez", dio beste pankarta batek.
ACCIÓN en vivo! Tenemos dos activistas en las amarras del barco Bahri Tabuk que está en el Puerto de Bilbao cargando armas para Arabia Saudí https://t.co/m3esSa2nF8#ArmasMarcaEspañapic.twitter.com/uN08Z25MZd
— Greenpeace España (@greenpeace_esp) 2018(e)ko otsailak 16
Elkarte ekologistak jakinarazi duenez, 10:00etan arma kargamentua iritsi da Burgostik (Espainia) Bilboko portura, armak itsasontzian kargatu eta Yemengo gerran Saudi Arabiak gidatzen duen aliantza militarreko herrialdeetara bidaltzeko.
Greenpeacek salatu du litekeena dela arma horiek Yemengo biztanleria zibilaren kontra erabiltzea. Elkarteak Espainiako Gobernuari leporatu dio egoera horren erantzule izatea, Saudi Arabiari armak errazteagatik. Arma salerosketa bertan behera uzteko galdegin dio Madrili.
Hiru orduz Bahri Tabuk ontzia inguratu eta haren amarraduretik zintzilik egon ostean, Guardia Zibila Greenpeaceko ekintzaileak erretiratu ditu itsasontzi ondotik, eta identifikatu egin ditu.
ACCIÓN en vivo/ La guardia civil está retirando a los activistas de las defensas https://t.co/m3esSajZ3I#ArmasMarcaEspañapic.twitter.com/eZ1pcaMLAj
— Greenpeace España (@greenpeace_esp) 2018(e)ko otsailak 16
Hona ekintzaren irudi batzuk, Greenpeaceren eskutik:
Bilboko portuan arma salmentaren kontrako protesta egin du Ongi Etorri Errefuxiatuak elkarteak ere. "Gerra hemen hasten da" leloa erakutsi dute pankarta batean. Luis Arbide elkarteko kideak adierazi duenez, Bahri Tabuk ontziak Saudi Arabiara eta Arabiar Emirerri Batuetara garraiatuko ditu arma eta lehergaiak, Yemengo gerra "basatian" erabiltzeko. Arbidek ohartarazi du biztanleria zibila biltzen den hainbat gunek jasaten dituztela gerra erasoak Yemenen; ospitaleak eta eskolak barne.
Elkarteak mobilizaziora deitu du biharko, 12:00etan, Bilboko Moyua plazan.
