Armiñonen kamioi gidari bat hil da istripuan

44 urteko gasteiztar gizonezko bat (C.R.R.) hil da gaur goizean Armiñonen (Araba) izandako istripuan, Goizeko bederatziak baino zerbait lehenago izan da ezbeharra, N-1 errepidean.

Gasteiztarra gidari zihoan kamioian eta berau errepidetik atera da, oraindik ez dakizkiten arrazoiengatik. Su-hiltzaileek gizonezkoa barrutik atera behar izan dute. Gasteizera, Santiago ospitalera eraman dute oso larri. Handik gutxira hil da.